HABARI SPECIAL: RC DKT.MGHWIRA AWAONYA WATENDAJI WA UMMA ,AKERWA NA UONEVU KWA WAFANYABIASHARA.

KULIA NI MWENYEKITI WA CCM MKOA WA KILIMANJARO BW.PATRICK BOISAFI ALIYESHIKA KIPAZA SAUTI NI MKUU WAMKOA WA KILIMANJARO DKT.ANNA MGHWIRA ANAYEFUATA NI KATIBU TAWALA MKOA ENG.AISHA AMOUR.

Mkuu wa Mkoa wa Kilimanjaro Dkt.Anna Mghwira amezitaka Mamlaka husika zinazoshughulikia uhuwishwaji wa taarifa muhimu za kiutendaji kutimiza wajibu wao kikamilifu ili kuepuka migogoro isiyo na tija baina yao na walaji sambamba na kuchukua hatua stahiki katika kutoa huduma za kiada na ziada.

Rai hiyo imetolewa kufuatia mkutano maalumu wa Wafanya biashara mkoani humo uliolenga kuchakata na kutatua kero mbalimbali na fursa zinazopatikana ndani ya mkoa katika kukuza uchumi na ustawi wa biashara .

Mghwira amesema ni vyema taasisi za Umma zilizopewa dhamana kujitathimini kwa kina ili kuyafikia malengo yaliyokusudiwa katika kuboresha mfumo wa utoaji huduma muhimu zilizokusudiwa na kuondoa dhana hafifu zinazo ambatanishwa na itikadi za kisiasa kupitia kada mbalimbali kwa baadhi ya wananchi juu ya utendaji wa Serikali yao. “Wafanyabiashara wanailalamikia Mamlaka ya Mapato TRA kwa kuwanyanyasa na wakati mwingine kuahidi kuzisimamisha huduma mbalimbali pasipo kuzingatia misingi ya haki , mazingira,wajibu kinga ya kisheria na kuwakandamiza wafanyabiashara kulipa faini mbalimbali tofauti na dhamana walizopewa kuelimisha wadau juu ya huduma mbalimbali na jinsi ya kutatua changamoto zinazowakabili Serikali inafuata misingi sahihi ya uwajibishaji wa waalifu pasipo kujali itikadi za vyama wala dini ”alisema Mghwira.

Akipokea moja ya hoja kutoka kwa wafanyabiashara wanaotekeleza wajibu wao katika Stendi kuu ya Mabasi Moshi wawekezaji hao wameilalamikia Halimashauri ya Manispaa ya Moshi kupandisha kodi ya vibanda kutoka sh.30,000 kwa mwezi hadi kufikia Sh.400,000 mara baada ya mkataba wa uwekezaji kuisha mnamo 31/12/2018.

Wakifafanua zaidi wawekezaji hao wamesema tozo hiyo ni kubwa hivyo inawaumiza waliowengi na kuonekana kutotambulika kwa jitihada walizozionyesha kuiunga mkono Serikali katika ujenzi wa vibanda hivyo ambapo awali waliwekeza katika jengo hilo na kuchangia ujenzi wa Sh.4.5Milioni .

Akijibu hoja hiyo Mghwira amesema hatokubali Serikali ipakwe tope kutokana na uamuzi huo wa Manispaa kwani kwa kufanya hivyo ni kuonyesha dhahiri kuwa Serikali imeshindwa kutambua na kuthamini mchango na uwepo wa wafanyabiashara hao .

“Hii kodi mliyoiweka ni kubwa mno ,mmeenda mbali kwa kutoza kodi kwa kiwango hiki ,mnachokifanya mnajenga hoja ,mnataka kusema Serikali imeshindwa kutothamini michango ya wafanya biashara hawa waliojitoa miaka 15 iliyopita kuchangia ujenzi wa jengo lile, ikumbukwe mtu aliyechangia ujenzi ni tofauti na mtu anayekuja na dau kubwa ambaye hajachangia ujenzi wa miundo mbinu yoyote” amesema Mghwira.

Hata hivyo Ameitaka Manispaa ya Moshi kupitia Mstahiki Meya Raymond Mboya na Mkurugenzi Bw.Michael Mwandezi kutathimini na kuziangalia baadhi ya huduma zinazolalamikiwa na wawakezaji hao katika eneo la Stendi Kuu ya Moshi ikiwemo tozo kubwa la pango hali inayosababisha kudhorota kwa hali ya kibiashara na huduma hafifu kwa walaji.

“ Mbali na kuwepo kwa mgogoro unaoendelea katika jengo hilo kwa miaka mingi hivi sasa naiagiza Manispaa ya Moshi kukaa meza moja na wafanyabiashara ili kutatua mgogoro huu mapema iwezekanavyo sambamba na kupanga viwango vipya vya kodi,fuateni vigezo na viwango vilivyopo sokoni,soko hili ni huria sio holela ,wekeni bei ambayo haitawaumiza wafanyabiashara hawa wanamchango mkubwa sana katika jengo lile ”amesema Mghwira.

TIZAMA PICHA ZA MNATO KATIKA TUKIO HILO.

PICHANI NI MKURUGENZI WA KAMPUNI YA CHRISBURGER BW.CHRIS SHAYO AKICHANGIA HOJA KATIKA MKUTANO HUO.

PICHANI NI MSTAHIKI MEYA MANISPAA YA MOSHI BW.RAYMOND MBOYA AKIJIBU HOJA.

PICHANI NI KAMANDA WA UHAMIAJI MKOA WA KILIMANJARO BW.ALBERT RWELAMILA AKIJIBU HOJA.

WA KWANZA KABISA PICHANI ALIYEVAA MIWANI NI AFISA UHUSIANO WA KIWANDA CHA SUKARI TPC-MOSHI BW.JAFARY MICHAEL.

PICHANI NI MAAFISA WA CRDB BENKI BW.LUDOVICK NGOWI NA ADAM MGAZA WAKIFATILIA HOJA KWA MAKINI.

PICHANI NI WADAU WAKIFUATILIA HOJA MBALIMBALI KATIKA MKUTANO HUO.

PICHANI NI MWENYEKITI WA DALADALA MANISPAA YA MOSHI BW.SAIDI SELEMANI AKICHANGIA HOJA KUHUSIANA NA SUMATRA.

MUWAKILISHI KUTOKA TAASISI YA OSHA BI.WINNIE KIWELU AKITOA HOJA KATIKA MKUTANO HUO.

PICHANI NI BAADHI YA WADAU WAKISIKILIZA HOJA KWA MAKINI KATIKA MKUTANO HUO.

WA KWANZA PICHANI MKURUGENZI WA KAMPUNI YA HARSHO GROUP BW.HAROLD SHOO ANAYEFUATIA NI MKURUGENZI WA DEMA CONSTRUCTION BW.DISMAS MASALU ALIMAARUFU (DEDE)